სასაწყობე ფართების მშენებლობა

A კლასის საწყობი

A კლასის საწყობი წარმოადგენს ინდუსტრიაში დასაწყობების კუთხით უმაღლესი სტანდარტის საწყობს, რომელიც გამორჩეულია ავტომატიზაციისა და ტვირთის მიკვლევადობის მაღალი ხარისხით.  

Upco-ს A კლასის საწყობი მოიცავს როგორც სასაწყობე დანიშნულების ფართს, ასევე შემდეგ სივრცეებს:

• ტვირთის მისაღებად საწყობებისთვის საჭირო სივრცე
• ტვირთის გადმოტვირთვა/ჩატვირთვისთვის და მობილურობისთვის საჭირო სივრცე.
• საწყობის პერსონალისთვის ტვირთზე თავისუფლად წვდომისთვის საჭირო სივრცე.

საწყობი გათვლილია დაახლოებით 36.5 ათასი სტანდარტული ევროპული პალეტის მოცულობის ტვირთის დასაწყობებისთვის.

A კლასის საწყობის მოწყობა იგეგმება 11,700 კვ.მ ფართობზე. A კლასის საწყობის მშენებლობა დაიწყება 2024 წელს და წარიმართება 3 თანაბარ ეტაპად, ერთი ეტაპის განვითარების საშუალო პერიოდია 2 წელი.

A კლასის საწყობის ძირითადი მომსახურების სახეებია:

▪ შენახვა/დასაწყობება როგორც პალეტიზირებული, ისე დიდი მოცულობითი ერთეულებითა და ასევე საცალო ფორმით;

▪ მშრალი ტვირთის პალეტიზირება/კონსოლიდირება;

▪ მშრალი ტვირთის დეკონსოლიდირება/ დახარისხება/ სერიული ნომრების მენეჯმენტი;

▪ მშრალი ტვირთის გადმოტვირთვა / ჩატვირთვა (სტრიპინგი) ავტომობილიდან, კონტეინერიდან, სარკინიგზო ვაგონიდან/პლათფორმიდან;

▪ განბაჟებული ტვირთის ადგილზე რეალიზება, როგორც საბითუმო, ისე საცალო პარტიებად;

▪ ტვირთის ვარგისიანობის ვადების მენეჯმენტი;

▪ მშრალი საბითუმო და საცალო ტვირთების დაფასოება და შეფუთვა;

▪ შეკვეთების სასაწყობე მართვა;

▪ შემომავალი/გამავალი ტვირთნაკადების სასაწყობე მართვა;

ღია და დახურული საწყობი:

სასაწყობე ფართი ასევე მოიცავს ორი ტიპის, ღია და დახურულ საწყობს. კომპანია საწყობებს ძირითადად გამოიყენებს სამშენებლო მასალების განთავსების მიზნებისთვის.

საწყობების მოწყობა წარიმართება ერთ ეტაპად, 15,000 და 5,000 კვ.მ ფართობზე. ღია საწყობი გათვლილია 6 ათასი, ხოლო დახურული საწყობი 2 ათასი პალეტის მოცულობის ტვირთის ერთდროულად განთავსებისთვის. მოწყობა დაიწყება 2024 წელს და საშუალო განვითარების პერიოდად განისაზღვრება 1 წელი.

ღია და დახურული საწყობების ძირითადი მომსახურების სახეებია:

▪ შენახვა/დასაწყობება როგორც პალეტიზირებული, ისე დიდი მოცულობითი ერთეულებითა და ნაყარი ფორმით;

▪ მშრალი ტვირთის გადმოტვირთვა / ჩატვირთვა (სტრიპინგი) ავტომობილიდან, კონტეინერიდან, სარკინიგზო ვაგონიდან/პლათფორმიდან.